ဂျောက်ဂျက် ရဲ့ ငါသည်သာငါ့ပြိုင်ဘက်ဖြစ်တယ်

ဗိုလ်တထောင် ကိုယ်စားပြုတဲ့ Finest Rapper။ Rock Star Member။ ကောလာဟလတွေ အရမ်းထွက်တက် လာတဲ့ Rapper ။ Show မှာ ဆိုရင်လည်း ပရိသတ်အားပေးမှုအရဆုံးသူ။ နာမည်က ဂျောက်ဂျက်။ မြန်မာကာတွန်း စတား ဦးကြောင်ဇရက်ရဲ့သားနာမည်သည်လည်း ဂျောက်ဂျက်။ ဒါပေမဲ့ သူက အဲ့ဒါကို ပေးထားတာမဟုတ်ပါဘူး။ အဓိပ္ပာယ် ပြည့်ဝတဲ့ ကိုယ်ပိုင်ခံယူမှုနဲ့ ပေးထားတဲ့ နာမည်ပေါ့။ Show မှာ ဖျော်ဖြေရင် လည်း သူက ပရိသတ်ကို ချုပ်ကိုင်နိုင်တဲ့ MC တစ်ယောက် အဖြစ်ရှိနေဆဲပဲ။ သူ့ရဲ့ Skill တွေ၊ သူ့ရဲ့ သီချင်းတွေသည် အများနဲ့မတူသလို ခေတ် တစ်ခေတ်ကို ပိုင်စားနိုင်မယ့် Rapper တစ်ယောက် ဖြစ်တာမို့ The Street Magazine က အင်တာဗျူးလေး တစ်ခု လုပ်ထားပါတယ်။ ပရိသတ်တွေအနေနဲ့လည်း သူ့ရဲ့ အဖြေ တွေ အပေါ် စီးမျောကြည့် ပါဦး။

Underground လောကမှာ ဘယ်လို အခက်အခဲတွေကို ဘယ်အချိန် ကာလ တွေမှာ ကျော်ဖြတ်ခဲ့ရလဲ။

အချိန်အကန့်အသတ်နဲ့ ဆိုရင်တော့ ၂ဝဝ၄ က စတာဆိုတော့ (၄) နှစ် ကျော်ပြီပေါ့။ စလုပ်ကတည်းက အခက် အခဲ ဆိုတာရှိတယ်။ ခုထိပဲ။ နေရာတကာ မှာလည်း အခက်အခဲတွေ၊ အတိုက်အခံ တွေလည်း များတယ်။

အောင်မြင်လာဖို့အတွက် ဂျောက်ဂျက် အနေ နဲ့ ရင်းနှီးရတာအချိန်လား။ ငွေလား။

အချိန်ရော၊ ငွေရောပဲ။ အချိန်ရင်း ရတဲ့အတွက် ကျောင်းစာတွေ မလုပ်ဖြစ်တော့ဘူး။ ငွေရင်းရတဲ့အတွက်လည်း သုံးစရာ၊ စွဲစရာမရှိတော့ဘူး။

3rd Generation မှာ နံပါတ်(၁)နေရာ ယူနိုင်နေပြီလား။

သီချင်းထဲမှာသာ ကျွန်တော် Plane ကြီး လျှောကကြွားတာပါ။ တကယ်တမ်းကျတော့ ကိုယ့်ကိုယ်ကို ပြောတာ ထက်စာရင် ပရိသတ်ကပေးတဲ့ နံပါတ် (၁)က ပိုကောင်းမယ်လို့ ထင်ပါတယ်။

ဂျောက်ဂျက် အနေနဲ့ တစ်ယောက် တည်း အောက်မြင်မှုကို လိုလားတာလား။ Family တစ်ခု အောင်မြင်မှု ကိုလား။ ဒါမှ မဟုတ် ဒီ Generation အောင်မြင်မှုကိုလား။

တစ်ယောက်တည်း Family တစ်ခု တည်း အောင်မြင်မှုထက်စာရင် Generation တစ်ခုလုံး လက်တွဲပြီးသွားတာ ကျွန်တော် ပိုလိုချင်တယ်။ ခု ကျွန်တော်တို့ Third Generationဆိုရင် တစ်ယောက်နဲ့တစ်ယောက် တည့်သာ တည့်တယ်။ မကြည်ကြဘူး။ ကျွန်တော်နဲ့ဆို ဘယ်သူဘယ်သူကွိုင်ရှိလဲ။ အဲဒီ တစ်ယောက်နဲ့လည်း ဘယ်သူနဲ့က ကွိုင်ရှိလဲ။ လူတိုင်းက အဲလို ပြဿနာကြီးပဲ ဖြစ်နေတယ်။ Second Generation မှာဆိုရင် Cyclone, Project-1, Firecracker အကုန်လုံးက အမြဲတမ်း လက်တွဲမှုတွေရှိတယ်။ Thrid Generation မှာ အကုန်လုံး Rock Star မှ မဟုတ်ဘူး။ Chilli, BLF, G-Family တခြား Family တွေ အများကြီးရှိပါတယ်။ အကုန်လုံးလက်တွဲပြီးတော့ အောင်မြင်မှုဆီကို သွားချင်ပါတယ်။

ဂျောက်ဂျက်အနေနဲ့ သီချင်းတွေကို ပရိသတ်ကြိုက် လုပ်တာလား။ ကိုယ့်စိတ်ကြိုက် လုပ်တာလား။

ကိုယ့်အကြိုက် ကိုယ်လုပ်တာ။ စလုပ်ကတည်းက စာသားကြမ်းကြမ်းကြီးတွေနဲ့ဆိုတာကို ပရိသတ်ကြိုက်လား။ မကြိုက်လားလည်း ကျွန်တော်မသိဘူး။ ကျွန်တော်ကြိုက်တဲ့ပုံစံပဲ ကျွန်တော်လုပ်တယ်။ အခုက ပရိသတ်တွေ အဲဒါမျိုး ကြိုက်တာဆိုတော့ နောက်တစ်ခါ ကျွန်တော် အဲလိုစာသား ကြမ်းကြီးတွေ မလုပ်တော့ဘူး။ ပရိသတ် အကြိုက်ကိုမလိုက်ဘဲနဲ့ ကိုယ့်အကြိုက် ကိုယ်လုပ်မှာ။ ကျွန်တော်ပြောချင်တာက အချစ် သီချင်းတွေလို ပျော့ညံ့တဲ့ ဟာမျိုးတွေကို ပြောတာမဟုတ်ဘူး။ တစ်ယောက်ယောက်ကို ပုတ်ခတ်လိုက်တာမျိုး မဟုတ်ဘဲနဲ့ အခြား အကြောင်းအရာမျိုး လုပ်ချင်တယ်။

ဒါဆို ပရိသတ်တွေကို Respect ဘယ်လောက် ပေးတာလဲ။

ပရိသတ်ကို ကျွန်တော်က ၁ဝဝ% Respect ပေးထားပါတယ်။ ကိုယ်တွေ သူတို့ကို လေးစားမှ၊ သူတို့က ကိုယ့်ကို လေးစားမှာ။ လူတစ်ယောက်က တစ်ယောက်ကို အရိုအသေ ကင်းမဲ့လို့ရှိရင် အဲဒီလူကိုလည်း ဘယ်သူမှ အရိုအသေ ပေးမှာ မဟုတ်ဘူးလေ။

ပရိသတ်တွေ ဂျောက်ဂျက်သီချင်းတွေကို လက်ခံကြတာ စာသားတွေကို ကြိုက်လို့လား။ ဒါမှမဟုတ် စာသားတွေက သူတို့နဲ့ ခံစားချက်ချင်းတိုက်ဆိုင်လို့လား။

တစ်ဝက်လောက်က သူတို့နဲ့ အကြောင်းအရာ တိုက်ဆိုင်လို့။ ကျန်တဲ့ တစ်ဝက်လောက်က ကျွန်တော့် စာသားတွေကို ကြိုက်လို့လို့ ကျွန်တော်ထင်တယ်။

ခုနောက်ပိုင်း လူငယ်တွေ ကြိုက်ကြတဲ့ Hip Hop စာသားမျိုးတွေက ဘယ်လိုမျိုးတွေလို့ ဂျောက်ဂျက် ထင်လဲ။

အမှန်အတိုင်း ပြောရရင် ကျွန်တော် ကြွားတာလည်း မဟုတ်ဘူး။ သူများတွေ မလုပ်နိုင်ဘူးလို့ ပြောတာလည်း မဟုတ်ဘူး။ ခုနောက်ပိုင်း တော်တော်များများက စာသားကြမ်းရင် ကြိုက်သလိုတွေ ဖြစ်နေကြတယ်။ အဲဒါ အရမ်းမှားတယ်။ ကျွန်တော်လုပ်ခဲ့တာ မှားတယ်ဆိုတာ ကျွန်တော်သိနေတယ်။ မြန်မာနိုင်ငံအနေအထားနဲ့ အဲဒီလောက် ကြမ်းစရာမလိုဘူး။ ကျွန်တော်ကိုယ်တိုင်လည်း နောက်ပိုင်း အဲလိုကြမ်းဖို့ အစီအစဉ်တွေ မရှိတော့ဘူး။ စာသားကြမ်းတိုင်းလည်း မကောင်းဘူး။ အဓိပ္ပာယ်ရှိမယ့် စကားလုံးထွက်တာပဲ ကောင်းတယ်။ အဓိက သီချင်းတစ်ပုဒ်က အဓိပ္ပာယ်ရှိဖို့အဓိကပဲ။

ဂျောက်ဂျက် လုံးဝ နားမထောင်တဲ့ သီချင်းတစ်ပုဒ်က။

ကျွန်တော်လုံးဝ နားမထောင်တဲ့ သီချင်းနာမည် ပြောပြမယ်။ အဲဒီနာမည်က 2005 Rock & Rap အခွေထဲက ‘ဥပေက္ခာ’။

ဂျောက်ဂျက်က ဂီတကို Creation တစ်ခု လို့မြင်လား။ စိတ်ခံစားမှုတစ်ခုလို့မြင်လား။

ကျွန်တော်သီချင်းရေးရင် တချို့ အပုဒ် တွေက Creation ဖြစ်သလို၊ တချို့အပုဒ် တွေက စိတ်ခံစားမှုနဲ့တိုက်ဆိုင်လို့ လုပ်လိုက်တာမျိုးတွေ ရှိတယ်။ ဥပမာ- ကျွန်တော် အိမ်ပေါ်ကဆင်းတဲ့ သီချင်းမျိုးဆိုရင် လုံးဝ Creation ပဲ။ ကျွန်တော်နဲ့လည်း ဘာမှ မဆိုင်ဘူး။ ကျွန်တော်အိမ်ပေါ်ကလည်း တစ်ခါမှ မဆင်းဖူးဘူး။ အရင်က ကောင်မလေးတစ်ယောက်ရဲ့နေရာက ဝင်ပြီးရေးထားတာ။ စိတ်ခံစားမှုသီချင်းမျိုး ဆိုရင် အရူးဖြစ်သွားခြင်း သီချင်းမျိုးပေါ့။ Creation လိုတာမျိုးကိုဆိုရင် အိမ်ပေါ်က ဆင်းသွားတဲ့ဟာမျိုးတို့၊ ဘာမှကြွားစရာမလိုတဲ့ ဟာမျိုးတွေပေါ့။ ကိုယ်ဖြစ်ချင်တဲ့ဟာတွေကို ကိုယ်လျှောက် ရေးထားတာ။

ဂျောက်ဂျက်သာ BronX ကို ရောက်သွားခဲ့ရင် ဘာလုပ်မလဲ။

အင်္ဂလိပ်စကားစပြောမယ်။ အဲဒီအခါမှာ ကျွန်တော်သီချင်း မဆိုတော့ဘူး။ ကျွန်တော့် အဆင့်နဲ့ Rap ဆိုရင် အဲဒီမှာ ရယ်စရာကြီး ဖြစ်နေမယ်။ ကျွန်တော့်အသံ Color နဲ့ ကျွန်တော့် ပုံစံလေးနဲ့။ ဟား ဟား သေချာတာတစ်ခုကတော့ ကျွန်တော် ခါးပိုက်နှိုက်ဖြစ်နေမလားမသိဘူး။

ဆယ်ကျော်သက်အရွယ် အောင်မြင်လာမှုက ဂျောက်ဂျက် ကို တွန်းအား ဖြစ်စေလား။ သာယာမှု တစ်ခုဖြစ်စေလား။

အဲဒါလည်း တစ်ဝက်စီပဲ။ သာယာမှုဖြစ်သလို၊ တွန်းအားလည်း ဖြစ်စေတယ်။ တွန်းအားဖြစ်စေတာက ကိုယ့် Influence ပျောက်သွားမှာတို့၊ ကိုယ့် Respect တစ်ခုပျောက်သွားမှာစိုးလို့ ငါမလုပ်လို့မဖြစ်ဘူး။ သီချင်း အမိုက်စားတွေ မရေးလို့မဖြစ်ဘူးဆိုပြီး တွန်းအားလည်းဖြစ်တယ်။ တစ်ခါတလေကျရင် စိတ်အနှောင့်အယှက်လည်း အရမ်းဖြစ်စေတယ်။ သာယာမှုဆိုတာလည်း ရှိတော့ရှိပါတယ်။

တခြားသော Music ထဲက လူတစ်ယောက်ယောက်က ဂျောက်ဂျက်ကို Foul ထုလာရင်။

ကိုယ်တွေလောက် အောက်သက်ကြေခဲ့ရဲ့လားလို့ မေးချင်တယ်။

ဒီ Music က လွယ်ပါတယ်လို့ ပြောနေတဲ့ သူတွေကို ဘာပြောချင်လဲ။

လူတွေက ကိုယ့်ဂီတကလွဲလို့ သူများဂီတက လွယ်တယ်လို့ထင်နေကြတာချည်းပဲ။ ကျွန်တော်တို့ ကိုယ်တိုင်လည်း Rock တွေ နားထောင်တယ်။ Guns and Roses တို့ Metallica တို့ထိ နားထောင်တယ်။ ပြီးတော့ Blink-182 တို့၊ Greenday တို့ အဲလိုဟာမျိုးတွေလည်း နားထောင်တယ်။ ပြီးတော့ သူ တို့ဆီမှာ Chord အစားကြီးတွေ တီးတာမျိုး။ ကျွန်တော်တို့မထင်ထားတာ တီးတာမျိုးတွေ။ ကျွန်တော်တို့ Hip Hop မှာတောင်မှ Drum ကို အစားကြီးတွေ တီးတာမျိုးရှိတယ်။ ဂီတတိုင်းမှာ ခက်ခဲမှုတွေရှိလို့လည်း ဂီတတိုင်းက နာမည်ကြီးနေတာလေ။ Guitar တီးတဲ့သူ တစ်ယောက်က Hip Hop တီးတာ လွယ်ပါတယ်ဆိုလို့ရှိရင်၊ တီးကြည့်ပေါ့။ Drumကိုပဲ Bounce ဖြစ်အောင် တီးကြည့်လေ။

ဂျောက်ဂျက် ရဲ့ Family အနေအထားက။

ကျွန်တော်တို့ Family ခွေထွက်မယ်။ Single ဆိုထားတာ တစ်ယောက်တစ်ပုဒ်စီ လောက်ပါမယ်။ Featuring တွေက ကြိုးကြာ၊ စင်ဒီ၊ အိမ့်ချစ်၊ သီရိဆွေ၊ ဘိုလေး၊ ရဲလေး၊ ရသ၊ သားကြီးပါမယ်။ ဆင်ဆာ တင်နေပါပြီ။

ဂျောက်ဂျက်သာ Rocker တစ်ယောက်ဖြစ်ခဲ့ရင် ဘယ်သူ့ကို ဆရာခေါ်မလဲ။

တကယ်တော်တဲ့ Rocker တွေ အားလုံးကို ဆရာလို့ခေါ်မှာပဲ။ ဒီနိုင်ငံမှာ နာမည်တပ်ပြီး ပြောတာထက်စာရင် ကျွန်တော်ကြိုက်တဲ့ Rocker တွေက အများကြီးပဲ။ GNR ထဲကကောင်ကို အရမ်းကြိုက်တယ်။

ဂျောက်ဂျက် ရဲ့ Solo Album ကို ဘယ်လိုပေးထားလဲ။

”ငါသည်သာ ငါ့ပြိုင်ဘက်”။

ဒီနိုင်ငံက ပထမဦးဆုံးHip Hop Magazine လို့ ပြောလို့ရမယ့် The Street Magazine ကို ဘယ်လိုမြင်လဲ။

ဒီမှာ ဘယ်သူမှ မလုပ်သေးတာကတစ်ကြောင်း၊ ရေရှည်မှာ စီးပွားရေးအတွက် ကောင်းချင်ကောင်းနိုင်မယ်။ မကောင်းရင်လည်း မကောင်းနိုင်ဘူး။ တစ်မြို့လုံးက Rapper တွေအားလုံး စိတ်ဝင်စားကြမယ်လို့ ထင်တယ်။ ပြီးတော့ ခရီးတစ်ခုတော့ ရောက်လိမ့်မယ်လို့လည်း ကျွန်တော်ထင်တယ်။

ပရိသတ်တွေကို ဘာတွေခြွေဦးမလဲ။

Family အနေနဲ့ ပြောရမယ်ဆိုရင် အဟောင်းလို့သာ မပြောရင်မပြောမယ်။ ကျွန်တော်တို့ လူသစ်တွေ မဟုတ်တော့ဘူး။ ကျွန်တော်နဲ့ ကျော်ထွဋ်ဆွေဆိုရင် Family ထဲမှာ ဝါအနုဆုံး။ (၄)နှစ်နဲ့ (၅)နှစ် ကြားမှာ ရှိတယ်။ Ah Boy တို့ဆို (၆) နှစ်၊ ထိန်ဝင်းတို့ဆို (၅)နှစ် ကျော်ပြီ။ Professional Mic Skill တွေရှိချင်မှ ရှိလိမ့်မယ်။ ဒါပေမဲ့ ကိုယ်ပိုင် Mic Skill တွေရှိနေကြပြီ။ သီတင်းကျွတ် Show မှာဆိုရင် အရင်က Family နာမည်ကို အရမ်းနှမျော သွားတယ်။ ကျွန်တော် စင် အောက်က ပရိသတ်တွေကို မေးလိုက်တယ်။ ‘ကျွန်တော်တို့ Family နာမည် ဘယ်လို ခေါ်လဲ လို့’V.I.P ဆိုပြီး တစ်ကွင်းလုံးက ထွက်လာတယ်။ V.I.P ဆိုတဲ့ နာမည်ကို အရမ်းနှမြောသွားတယ်။ မပြောင်းလို့ လည်း မဖြစ်ဘူး။ အဲဒီနာမည်ကို သံယောဇဉ် အရမ်းဖြစ်တယ်။ ကိုယ်တွေ ဒီ Familyနဲ့ စလာတာ (၁) နှစ်ကျော်လောက်ရှိပြီ။ ဒီ Family နဲ့ ကိုယ်တွေ နာမည်ရခဲ့တဲ့အတွက် အရမ်းနှမြောတယ်။ စိတ်ထဲမှာ တော်တော်ကြီးကို နင့်သွားတယ်။ V.I.P ကို ချစ်တဲ့သူတွေ Rock Star နာမည်ပြောင်းတယ်။ နာမည်ပဲ ပြောင်းတယ်။ လူအပြောင်းအလဲ မရှိဘူး။ အရည်အချင်း ပြောင်းလဲမှုမရှိဘူး။ အခြေအနေကြောင့်သာ နာမည်ပဲပြောင်းသွားတာပါ။ ပုံစံ မပြောင်းဘူး။ ဒါကြောင့် V.I.P ကို အားပေးတဲ့သူမှန်သမျှ Rock Star ကို အားပေးကြလိမ့်မယ်လို့ယုံကြည်ပါ တယ်။ ။

Credit To The Street Music Magazine