ဒီဇင်ဘာ၁ရက်နေ့နဲ့၂ရက်နေ့မှာကျင်းပမယ့် HIV ဝေဒနာရှင်များအတွက် ရန်ပုံငွေဖျော်ဖြေပွဲမှာ Acid အဖွဲ့သားများက ပါဝင်သီဆိုမှာ ဖြစ်ကြောင်း အက်စစ်အဖွဲ့ ကိုယ်စား ရန်ရန်ချန်းက ပြောပြခဲ့ပါတယ်။
အက်စစ်အဖွဲ့မှာပါဝင်ပြီး နေပြည်တော်၊ ပုဗ္ဗသီရိမြို့နယ်ပြည်သူ့လွှတ်တော် ကိုယ် စား လှယ်တစ်ဦးဖြစ်တဲ့ဇေယျာသော်အနေ နဲ့ဒီရန်ပုံငွေဖျော်ဖြေပွဲမ
ှာ ပါဝင်သီဆိုဖို့ ကမ်းလှမ်းခဲ့တဲ့ ရန်ရန်ချန်းက “သူခရီးကပြန်ရောက်ဖြစ်မှပါ။ ဆိုဖြစ်မယ်လို့လည်း ပြောပါတယ်။ ဒါပေမဲ့ တအား ကျိန်းသေတယ် လို့တော့ မပြောရဲသေးဘူး။ သူမအားခဲ့ရင် ပရိသတ် အတွက်ရော၊ သူ့ အတွက်ရော မကောင်းဘူးလေ။ ဆိုဖို့တော့ ကျွန်တော်ကိုယ်တိုင် ပြောပြီး ထည့်ထားတာ ပါ။ ပရဟိတပွဲဖြစ်တဲ့အတွက် ကျွန်တော်တို့ အက်စစ်ဆိုပြီး မလုပ်ခင် ပေါင်းမိ ကတည်းကိုက ဆိုလာကြတာလေ။ ဒီလိုမျိုး အက်စစ်ဆိုပြီး ပေါင်းလာတော့ လည်း ဆိုကြပါ တယ်” လို့ ပြောပြပါတယ်။
ရန်ရန်ချန်းက အခုတလော လူမှုဝက်ဆိုက်ဖြစ်တဲ့ ဖေ့စ်ဘုတ်ပေါ်မှာ တစ်ချိန်ကအက်စစ်အဖွဲ့ရဲ့ အမှတ်တရပုံကို တင်လာတာတွေ့ ရတဲ့အခါမှာ အမှတ်တရတင်ဖြစ်တာလား၊ ဒါမှမဟုတ် တစ်ချိန်က အားလုံးစုံစုံညီညီ ရှိတဲ့ အချိန်ကို သတိရတာလားလို့ မေးကြည့်တော့ ရန်ရန်ချန်းက ''ဖေ့စ်ဘုတ်ပေါ် မှာ တင်ဖြစ်တာက ဒီပုံတွေက သူများအတွက်တော့ အမှတ်တရပြောရင် ဖြစ် မှာလား မသိပေမယ့် ကျွန်တော်တို့အတွက်ကတော့ အမှတ်တရပါ။ ဒီပုံတွေ ဆို ကျွန်တော် အမြဲလိုလိုကြည့်ဖြစ်တယ်။ ခရီးသွားတဲ့ပုံတွေ၊ ပျော်ပျော်ပါးပါး စားကြတဲ့ ပုံတွေ ခဏ ခဏပြန်ကြည့်ဖြစ်တယ်။ အက်စစ် အဖွဲ့အနေနဲ့ အမှတ်တရပါ။ ဇေယျာသော်ကို အက်စစ်အဖွဲ့အနေနဲ့ သီချင်းလုပ်ဖို့ လည်း ပြောထားပါတယ်။ ဒါပေမဲ့ သူ့အပေါ်မှာပဲ မူတည်တာပါ။ သူအခုတော့ သီချင်းတွေ ရေးဖြစ်တယ်လို့ ပြောတယ်။ အခွေထုတ်ချင်တာက ကျွန်တော် တို့ရဲ့အိပ်မက်ပါ'' လို့ ပြောပြခဲ့ပါတယ်။
ထူးထူး
@ popular journal